The following prayers are not contained in the Officia Pietatis Christianæ proper. However, I have added the Pater Noster, Ave Maria, Symbolum Apostolorum, Confiteor, and finally, the Canticum Trium Puerorum, to aid you in using this devotional. As each of these prayers are to be used when praying in the morning & evening as well as after Mass has ended (Canticum Trium Puerorum) as a way of giving thanks for the Mass itself in §. VI.
Pater Noster
Pater Noster, qui es in cælis: sanctificétur nomen tuum; advéniat regnum tuum; fiat volúntas tua, sicut in cælo, et in terra. Panem nostrum quotidiánum da nobis hodie; et dimítte nobis débita nostra, sicut et nos dimíttimus debitóribus nostris; et ne nos indúcas in tentationem; sed líbera nos a malo, Amem.
Ave Maria
Ave María, grátia plena, Dóminus tecum; benedícta tu in muliéribus, et benedíctus fructus ventris tui, Jesus. Sancta María, Mater Dei, ora pro nobis peccatóribus, nunc et in hora mortis nostræ, Amen.
Symbolum Apostolorum
Credo in Deum Patrem omnipotentem,Creatórem cæli et terræ. Et in Jesum Christum, Fílium Ejus únicum, Dóminum nostrum: qui concéptus est de Spíritu Sancto, natus ex María Vírgine, passus sub Póntio Piláto, crucifíxus, mórtuus et sepúltus; descéndit ad ínferos; tértia die resurréxit a mórtuis; ascéndit ad cælos; sedet ad déxteram Dei Patris omnipoténtis; inde ventúrus est judícare vivos et mórtuos. Credo in Spíritum Sanctum, sanctam Ecclésiam Cathólicam, Sanctórum communionem, remissiónem peccatorum, carnis resurrectionem, vitam aetérnam, Amen.
Confíteor
Confítero Deo Omnipoténti, beátæ Mariæ semper Vírgini, beáto Michaëli Archángelo, beáto Joánni Baptístæ, sanctis Apóstolis Petro et Paulo, ómnibius Sanctis, et vobis/tibi, fratres/pater: quia peccavi nimis cogitatione, verbo et óperre: (Percutit sibi pectus ter, dicens): mea culpa, mea culpa, mea maxima culpa. Ideo precor beátuam Maríam semper Vírginem, beatum Michaëlem Archángelum, beatum Joánnem Baptístam, sanctos Apóstolos Petrum et Paulum, omnes Sanctos, et vos/te, fratres/pater, oráre pro me ad Dóminum Deum nostrum, Amen.
Canticum Trium Puerórum
Dan. 3, 57-88 et 56
GRATIARUM ACTIO POST MISSAM
Ant. Trium puerórum * cantémus hymnum, quem cantábant Sancti in camíno ignis, benedicéntes Dóminum. (T. P. Allelúja.)
Benedícite, ómnia ópera Dómini, Dómino: * laudáte et superexaltáte eum in sæcula. Benedícite, Angeli Dómini, Dómino: * benedícite, cæli, Dómino.
Benedícite, aquæ omnes, quæ super cælos sunt, Dómino: * benedícite, omnes virtútes Dómini, Dómino.
Benedícite, sol et luna, Dómino: * benedícite, stellæ cæli, Dómino.
Benedícite, omnis imber et ros, Dómino: * benedícite, omnes spíritus Dei, Dómino.
Benedícite, ignis et æstus, Dómino: * benedícite, frigus et æstus, Dómino.
Benedícite, rores et pruína, Dómino: * benedícite, gelu et frigus, Dómino.
Benedícite, glácies et nives, Dómino: * benedícite, noctes et dies, Dómino.
Benedícite, lux et ténebræ, Dómino: * benedícite, fúlgura et nubes, Dómino.
Benedícat terra Dóminum: * laudet et superexáltet eum in sæcula.
Benedícite, montes et colles, Dómino: * benedícite, univérsa germinántia in terra, Dómino.
Benedícite, fontes, Dómino: * benedícite, mária et flúmina, Dómino.
Benedícite, cete, et ómnia quæ movéntur in aquis, Dómino: * benedícite, omnes vólucres cæli, Dómino.
Benedícite, omnes béstiæ et pécora, Dómino: * benedícite, fílii hóminum, Dómino.
Benedícat Israel Dóminum: * laudet et superexáltet eum in sæcula.
Benedícite, sacerdótes Dómini, Dómino: * benedícite, servi Dómini, Dómino.
Benedícite, spíritus et ánimæ justórum, Dómino: * benedícite, sancti et húmiles corde, Dómino.
Benedícite, Ananía, Azaría, Mísael, Dómino: * laudáte et superexaltáte eum in sæcula.
Benedicámus Patrem et Fílium cum Sancto Spíritu: * laudémus et superexaltémus eum in sæcula.
Benedíctus es, Dómine, in firmaménto cæli: * et laudábilis, et gloriósus, et superexaltátus in sæcula.
¶ Hic non dicitur Glória Patri, neque Amen.
Psalmus 150Laudáte Dóminum in sanctis ejus: * laudáte eum in firmaménto virtútis ejus.
Laudate eum in virtútibus ejus: * laudáte eum secúndum multitúdinem magnitúdinis ejus.
Laudate eum in in sono tubæ: * laudáte eum in psaltério et cíthara.
Laudate eum in týmpano, et choro: * laudáte eum in chordis, et órgano.
Laudate eum in cýmbalis benesonántibus: laudáte eum in cýmbalis jubilatiónis: * omnis spíritus laudet Dóminum.
Glória Patri, et Fílio, et Spirítui Sancto.
Sicut erat in princípio, et nunc et semper, et in sæcula sæculórum. Amen.
Ant. Trium puerórum * cantémus hymnum, quem cantábant Sancti in camíno ignis, benedicéntes Dóminum. (T. P. Allelúja.)
Kýrie, eléison. Christe, eléison. Kýrie, eléison.
Pater noster secreto usque ad
℣. Et ne nos indúcas in tentatiónem. ℟. Sed líbera nos a malo.
℣. Confiteántur tibi, Dómine, ómnia ópera tua. ℟. Et Sancti tui benedícant tibi.
℣. Exsultábunt Sancti in glória. ℟. Lætabúntur in cubílibus suis.
℣. Non nobis, Dómine, non nobis. ℟. Sed nómini tuo da glóriam.
℣. Dómine, exáudi oratiónem meam. ℟. Et clamor meus ad te véniat.
℣. Dóminus vobíscum. ℟. Et cum spíritu tuo.
Orémus.
Deus, qui tribus púeris mitigásti flammas ígnium: concéde propítius; ut nos fámulos tuos non exúrat flamma vitiórum.
Actiónes nostras, quæsumus, Dómine, aspirándo præveni et adjuvándo proséquere: ut cuncta nostra orátio et operátio a te semper incípiat, et per te cœpta finiátur.
Da nobis, quæsumus, Dómine, vitiórum nostrórum flammas exstínguere: qui beáto Lauréntio tribuísti tormentórum suórum incéndia superáre. Per Christum, Dóminum nostrum. ℟. Amen.
OFFICIA PIETATIS CHRISTIANIÆ ERGA DEUM 