S. Carolo Borromæo,
aliisque familiares, ex psalmis
collect, sæpe de die cum magna
fiducia in deum dicendæ, et
Usurpandæ.
Prima.
Tuus, Sum ego, salvum me fac. Psal. 118. V. 94. Desumit suum motivum hæc oratio Deum precandi, ex Dominio, quod Deus habet in nos, qui obligatur curam gerere sibi subjectorum.
Secunda.
Ostende Faciem tuam & salvi erimus. Psal. 79. vers. 4. Hæc oratio jaculatoria desumit suum motivum ex facilitate, qua Deus potest nobis unico obtutu succurrere.
Tertia.
Secundum misericordiam tuam, memento mei tu, propter bonitatem tuam Domine. Psal. 24. vers. 7. Hæc desumit suum motivum ex benignitate Dei, cui connaturale est benefacere, uti Soli fulgere.
Quarta.
Fiat Misericordia tua ut consoletur me, secundum eloquium tuum servo tuo. Psal. 118. vers. 76. Hæc ex fidelitate Dei, quæ ipsum cogit servare promissiones toties iteratas ferendi auxilii.
Quinta.
Lætifica animam servi tui, quoniam Tu Domine Suavis & mitis, & multæ misericordiæ omnibus invocantibus Te. Psal. 85. Vers. 4. & 5. Hæc ex benignitate Dei, quam demonstravit innumeris, qui Eum invocaverunt.
Sexta.
Deus meus es tu, ne discesseris a me, quoniam tribulatio proxima est, quoniam non est, qui adjuvet. Psal. 21. vers. II. Hæc ex defectu aliorum auxiliorum, quæ aliunde non possunt sperari.
Septima.
Protector noster aspice DEUS, & respice in faciem Christi tui. Psal. 89. vers. 10. Hæc ex meritis JESU Christi Salvatoris nostril, propter quæ nos Pater omnipotens debet exaudire.
Octava.
Respice in me, & miserere mei, quia unicus & pauper sum ego. Psal. 24. vers. 16. Hæc Oratio Jaculatoria desumit suum motivum invocandi Deum ex miseria hominis ab omnibus derelicti, nec habentis merita, seu bona opera.
Nona.
Adjutor meus esto, ne derelinquas me, neque despicias me, Deus salutaris meus. Psal. 26. v. 9. Hæc desumit suum motivum ex eo, quia Deus est Salvator noster, ideoque nos adjuvare debet, neque nos derelinquere potest.
Decima.
Diligam te Domine fortitude mea, DEUS meus, Adjutor meus, & sperabo in Eum. Psal. 17. vers. 1 & 2. Hæc desumit suum, & sperandi in Eum, ob suam Omnipotentiam, fortitudinem, Bonitatem, & voluntatem nos adjuvanti.
Undecima.
Deus meus illumina tenebras meas, quoniam in Te eripiar a tentatione. Psal. 17. v. 29. & 30. Hæc Oratio Jaculatoria servit homini, cujus intellectus est obtenebratus a scrupulis conscientiæ, vel est obrutus tenebris ignorantiæ, & nescit, quid agendum sit; unde petit a Deo illuminari, quia est Lux vera illuminans omnem hominem venientem in hunc mundum.
Duodecima.
In Te Domine speravi, non confundar in æternum; esto mihi in Deum Protectorem, ut salvum me facias. Psal. 30. vers. 1. & 3. Hæc Oratio Jaculatoria desumit suum motivum sperandi in Deum propter Ejus fidelitatem summam in promissis servandis, & infinitam potentiam in eisdem exequendis.
Decima Tertia.
Miserere mei Domine, quoniam infirmus sum, sana me Domine, quoniam conturbata sunt ossa mea. Psal. 6. Vers. 2. Hæc desumit suum motivum a Deo impetrandi misericordiam & auxilium, ab infirmitate hominis, tum Corporali, tum Spirituali, quam solus Deus curare potest, & sublevare.
OFFICIA PIETATIS CHRISTIANIÆ ERGA DEUM 