Factô Signô S. Crucis di-
catur:
Benedicta sit Sancta &
Individua Trinitas Pater, †
Filius, † & Spiritus †
Sanctus.
JESUS, MARIA,
JOSEPH,
Vobis do Cor cum Ani-
ma mea.
Deinde
Pater. Ave. Credo.

ACTUS FIDEI.

O Deus meus & Omnia! Pater, Fili, & Spiritus Sancte, coram Tua Divina Majestate humillimè prostrates totô corde credo firmissimè, quæ continentur in Symbolo Apostolorum, & omnia, quæ dixisti, revelâsti, & mediante Ecclesiâ Catholicâ mihi credenda proposuisti, quia tua veracitas fallere non potest, & tua sapientia falli non valet. Tu dixisti; satis hoc mihi est præ omni ratione humana, ut etiam vitam meam, & sanguinem, in Testimonium Fidei meæ sacrificare paratus sim. Ecce partum cor meum, O mi Deus! Tu adjuva incredulitatem meam, nam Verbum tuum Domine manet in æternum.

ACTUS SPEI.

D

Omine Deus meus! Quia omnipotens, & infinitè bonus, & fidelis es, ideò â Te spero per merita Jesu Christi Salvatoris nostri, & per opera mea, facta ex gratia tua, peccatorum meorum remissionem, & veniam, ac vires ad tentationem quamvis superandam, ac tandem gratiam ad fruendum tuô beatissimô aspectu in Cœlesti Patria.

Quare tristi es anima mea, & quare conturbas me? Habes bonitatem Dei, & misericordiam paratam, quæ vult; habes omnipotentiam assistentem, quæ potest opitulari; habes Sanguinem, & merita Christi, quae pro te apud æternum Patrem perorant; Projice te ergò anima mea, in brachia misericordiæ & omnipotentiæ

Dei; siquidem, quàm nihil
potes ex te, tam omnia
potes in eo, qui te
confortat.

ACTUS AMORIS

DEI, ET CONTRITIONIS,

PERFECTÆ.

D

Omine Jesu Christe! quia Tu summum bonum es, Tuóque amore solus, & infinitè dignus es, ideò Te amo super omnia, & doleo ex toto corde, quòd peccatis meis, sive notis, sive ignotis, tuam infinitam, & perfectissimam bonitatem toties offenderim; omnia mea peccata abominor, & detestor, super omnia mala, maxima cum displicentia, & rogo humillimè veniam, cum firmo proposito, adjuvante tuâ gratiâ, imposterùm Te non ampliùs offendendi; Tuum etiam amorem Tibi Domine offero in supplementum exigui mei amoris, & totius mundi, Te aut nihil, aut non satìs amantis, qui dignus es viribûs Amari omnibûs; imò infinities Te amare vellem, si fieri posset, eôque amore, quô Te ipsum amas; quia hic solus amor amabilitatem Tuam aequat.

POSTEA

C

Onsidera, omnem diem, & præcipuè hodiernum, qui erit tibi fortè ultimus, esse à DEO tibi datum, ut in eo futurum æternitatis felicis diem lucreris; hinc firmum propositum concipe, ad hanc intentionem, diem præsentem impendi.

IGITUR

P

Ræcogita, quænam negotia, & commercia, quales occasiones DEO serviendi, & quales eum offendendi, tam per choleram & vanitatem, quam aliam quamlibet inordinatam passionem, in hoc die possint occurrere. Deindè filiali in Deum fiducia ad resistendum te præpara dicendo:

In æternum non peccabo, ô mi Deus! cum tua gratia; fiat, mi amantissime DEus! mihi possibile per tuam gratiam, quod mihi impossibile videtur per naturam; Deus meus es Tu, ne discesseris â me; Diligam Te Domine fortitudo mea, sana me Domine, & sanabor; miserere mei Domine, quoniam infirmus sum. Tibi ô mi Clementissime Deus! ago humillimas gratias pro universis beneficiis tuis, pro quibus tibi offero Filium tuum unigenitum, & cum ipso me totum in holocaustum.

O mi Deus! tuus sum ego, salvum me fac; Deus cordis mei, & pars mea Deus in æternum, Tibi hodie offero corpus, & animam meam, item omnes cogitationes, verba, & opera mea, quæ ex solo Tui amore, & ad majorem Tui gloriam faciam. Et omnes indulgentias, quas possum, lucrabor pro me, & fidelibus defunctis, specialiter pro anima N.

ORATIO

SUMMI PONTIFICIS CLE-
MENTIS XI. CONTINENS
PRÆCIPUOS RELIGIO-
NIS ACTUS.

C

Redo Domine, sed credam firmiùs; spero Domine, sed sperem securiùs; amo Domine, sed amem ardentiùs; doleo Domine, sed doleam vehementiùs.

Adoro Te, ùt primum principium; desidero, ut finem ultimum; laudo, ùt benefactorem perpetuum; invoco Te defensorem propitium.

Tuâ me sapientiâ dirige, Justitia contine, clementiâ solare, potentiâ protege.

Offero Tibi, Deus meus cogitanda, ut sint ad Te; dicenda ut sint de Te; facienda, ut sint secundùm Te; ferenda, ut sint propter Te.

Volo, quod vis; volo, quia vis; volo quomodo vis; volo quamdiu vis.

Oro Domine, intellectum illumines, voluntatem inflames, corpus emundes, animam sanctifices.

Defleam præteritas iniquitates, repellam futuras tentationes, corrigam vitiosas propensiones, excolam idoneas virtutes.

Tribue mihi, bone DEUS! amorem Tui, odium mei, zelum proximi, contemptum mundi.

Studeam superioribus obedire, inferioribus subvenire, amicis consulere, inimicis parcere.

Vincam voluptatem austeritate, avaritiam largitate, iracundiam lenitate, tepiditatem pietate.

Redde me prudentem in consiliis, constantem in periculis, patientem in adversis, humilem in prosperis.

Fac Domine, ut sim in oratione attentus, in epulis sobrius, in munere sedulus, in proposito firmus.

Curem habere innocentiam interiorem, modestiam exteriorem, conversationem exemplarem, vitam regularem.

Assiduè invigilem naturæ domandæ, gratia fovendæ, legi servandae, saluti promerendæ.

Discam â Te, quàm tenue, quod terrenum; quàm grande, quod Divinum; quàm breve, quod temporaneum; quàm durabile, quod æternum.

Da, mortem præveniam; judicium pertimeam; infernum effugiam; Paradisum obtineam. Per Christum Dominum nostrum, Amen.

ANTIPHONA

DE

B.V. MARIA.

T

Ota pulchra es MARIA, & macula originalis non est in Te; Tu Gloria Jerusalem; Tu Lætitia Israel; Tu honorificentia populi nostri; Tu advocate peccatorum; O MARIA! Virgo prudentissima, Mater clementissima ora pro nobis, intercede pro nobis apud Dominum JESUM Christum Filium tuum. Amen.

℣. Inconceptione Tua Virgo immaculate fuisti.
℟. Ora pro nobis Patrem, cujus Filium peperisti.

OREMUS

DEUS, qui per immaculatam Virginis conceptionem, dignum Filio Tuo habitaculum præparâsti, quæsumus, ut qui ex morte ejusdem Filii sui prævisâ, eam ab omni labe præservâsti, nos quoque mundos ejus intercessione ad Te pervenire concedes, per eundem Christum Dominum nostrum, Amen.

Ave MARIA, Dei Patris Filia, Filii Dei Mater, Spiritûs sancti Sponsa, Gloria Angelorum, & decus hominum, ora pro nobis, nunc, & in hora mortis nostræ. Amen.

RESPONSORIUM

S. ANTONII

DE
PADUA

S

I quæris miracula,
Mors, error, calamitas,
Dæmon, lepra fugiunt,
ægri surgunt sani.

Cedunt mare, vincula,
Membra, résque perditas
Petunt, & accipiunt
Juvenes & cani.

Pereunt pericula,
cessat & necessitas,
narrent hi, qui sentient,
dicant Paduani.

Cedunt mare, vincula,
Membra, résque perditas
Petunt, & accipiunt
Juvenes & cani.

Gloria Patri, & Filio, & Spiritui
Sancto.

Cedunt mare, vincula,
Membra, résque perditas
Petunt, & accipiunt
Juvenes & cani.

℣. Ora pro nobis beate Antoni.
℟. Ut digni efficiamur promissionibus Christi.

OREMUS

E

Cclesiam tuam Deus beati Antonii Confessoris tui commemoratio votive lætificet, ut spiritualibus semper muniatur auxiliis, & gaudiis perfrui mereatur æternis, per Dominum nostrum JESUM Christum Filium tuum, qui tecum vivit & regnat in unitate Spiritus Sancti Deus per omnia sæcula sæculorum, Amen.

OREMUS

M

Itissime & Clementissime JESU, qui beatum Antonium Confessorem Tuum perpetuis illustras miraculorum splendoribus, concede propitious, ut quæ per ejus merita petimus, per ejusdem intercessionem efficaciter consequamur, qui vivis & regnas in sæcula sæculorum, Amen.

BENEDICTIO

SANCTI ANTONII CONTRA

MALOS SPIRITUS.

E

Cce Crucem † Domini nostri JESU Christi! Fugite partes adversæ, vicit Leo de Tribu Juda, Radix David, Alleluja Alleluja; Sanctus DEUS! Sanctus fortis! Sanctus immortalis! miserere nobis.

BENEDICTIO

Contra Tempestates, Terræ motus, & pestilentias, uti referent S. Bonaventura, S. Damascenus, & allii.

† christus rex venit in pace; deus homo factus est. Christus nobiscum: State.

OREMUS

I

Nterveniat pro nobis quæsumus Domine Sanctus Tuus Confessor Antonius, quem virtutibus, miraculorum prodigiis, & signis decorâsti, per Christum Dominum nostrum, Amen.

Benedictio

Contra Tempestates, qua usus est Ven. P. Franciscus de Hieronymo Societ. JESU.

DEUM HOMO,

MATER VIRGO,

PANIS CARO,

VINUM SANGUIS.

Per ista mirabilia mysteria tueatur nos DEUS Pater †, & Filius †, & Spiritus † Sanctus, Amen.

ANTIPHONA

DE

SANCTO PHILIPPO

NERIO

S

Ancte Pater Philippe preces meas benignè suscipe, viam iniquitatis fac me deferere, & viam sanctitatis apprehendere, doce me adjuva me, & Cœlestem gloriam impetra, ut tua sancta oratio cum Christo me reconciliet.
℣. Ora pro nobis S. Philippe,
℟. Ut digni Efficiamur promissionibus Christi.

OREMUS

I

Ntercessio quæsumus Domine beati Philippi confessoris tui ab omni adversitate nos protegat, ut per ejus interventum, gloriosissimum Sacro-Sancti Corporis Domini nostri JESU Christi Sacramentum ante diem exitûs nostri post veram confessionem percipere, ac remissionem peccatorum impetrare mereamur, per Christum Dominum nostrum, Amen.

ORATIO

AD

SANCTUM BARBARAM

PRO FELICI MORTE.

O

Sanctissima Virgo Barbara, quodcunque Sponsi Tui viribûs potes, mihi in mortis articulo, obsecro, ut suppedites; adjuva me miserum, ne in peccatis moriar, effectum tunc habeat tuâ intercession primitùs â Christo tibi facta promissio, cùm fidem ejus tuô sanguine consecrares, redeat in memoriam sponso tuo virgineus collô tuô exuberans sanguis, recordetur ardentissimæ tuæ charitatis, nec animam meam è corpore exire permittat, nisì confessione expiatam, & Sacro-Sanctæ Eucharistiæ Sacramentô refectam, Amen.

ORATIO.

AD

MICHAELEM ARCH-

ANGELUM QUOTIDIE
DICENDA.

S

Ancte Michaël Arch-Angele & dux militiæ Cœlestis! Ego N. N. Te hodiè in Dominum, Patronum, & peculiarem animæ meæ protectorum eligo, firmitérque statuo, ac propono, constantem me in tuo cultu, ac veneratione permansurum, neque permissurum, ut â me, vel meis subditis, aliquid unquam agatur tuis oculis, ac beneplacito adversum; obsecro te igitur, suscipe me in clientem tuum perpetuum, adsis mihi in actionibus omnibus mei, nec me deseras in ultima mortis horâ, sed contra omnes diaboli versutias munitum ad Paradisi patriam perducas, Amen.

Sancte Michaël Arch-Angele defende nos in prælio, ut non pereamus in tremendo Judicio.

Angele Sancte DEI, qui custos es mei, me tibi commissum pietate supernâ illumine, custodi, rege, & guberna. Amen.

Retro | Procede
| INDEX GENERALIS |